Was sech lohnt, esch öber euse Supertrip vom Donschtig of de Rosanna z verzäle.Also d Hardcorepaddlers, Rahel, Zügi, Fredy, Oli, Tschitscho, ond i händ eus mol ofd suechi vom Schtrekeschtart Rosanna gmacht, nach Beschloss es "geils" schtok vor eusem aschlüssende Schtart wäge ewentuelem Ise ned z fahre esches losgange.

Ad Wasserwocht vo de Sanna hämer eus ede Zwöschezit scho gwönt gha ond als Schteigerig esches nochli verblockter gsi. De Zügi ond Oli händ met erne Schtörzerbötli mol d`linievorfahrt öberno da mer andere ned ganz sovel Wolume debi gha händ :o). Nach öbe erschdem Drettel vo de Schtreki häts es Holzwehr gha womer us Secherheitsgrönd beschlosse händ z omträge!

Ales esch super glofe obwohl de Zügi scho fascht en Rettigsaktion wäge mer gse hät, weli mol wacker hendnem Schtei ene "Lätschiwalze" zrogzoge worde ben. Ich, mol met grenger Walzeerfahrig ond grosse Auge drighanged, omegwörgt bes de Schpetz aghänkt, onds mi usekärzled hät, aschlüssend schnell müese eskimotiere wel de nächschti grossi Schtei det gschtande esch ond somet wär die ganzi akzion gretted gsi!

Enere Zwoite fahrt wo sech den d Rahel ond de Tschitscho en Pause gönnt händ esch den die schtel em Fredy enere "Lätschiwalze" paar Meter witeräne zom Verhängnis worde. Er hät den nach Eskimotierversüech de Walze de Säge gä ond esch usgschtege, somet esch die grossi Retigsakton losgange. De Fredy hät sech sälber chöne ohni schäde as Land rette nor sis Boot esch de eignig wäg gange ond säb schlossändli bes e euses zil wos den nacheme subere "schteichläber" au en neui naseform ond en mega Büle gha hät.

Zom em Fredy, wo z fuess ofem Wäg es Zil gsi esch,en chline Schock z erschpare hämer di megabüle met Wörgiaktione behobe nor d` Nase hät no sini kneckform bhalte bes zobig euse grossi Bänsinchocher en akzion cho esch ond verholfe hät en Zwöschelösig vo Chriesschpure zo alter Form z biete.